LAURA VILLAVERDE  nace en Tui no 1984. 

Licenciada en Arte Dramática pola ESAD de Galicia(2006/2010).

Completa a súa formación no campo da interpretación en Nova York (2010/2012) da man de Anne Bogart, Will Bond, Ellen Lauren, Akiko Aizawa, kelly Maurer, Gim- Murray, Leon Inglulsrud, e máis membros da compañía Siti Company; así mesmo, profundiza en técnicas do corpo e na danza coa Compañía , The Bill T. Jones/Arnie Zane Dance Company, TempleTheatre, Ana Serna, Jordi Cortés, Lauren Atanes, Julio Castronuevo, José Piris, entre outros.

Vese recompensada por unha beca do programa de adestramento internacional da universidade norteamericana “Skidmore College” para formar parte do “Summer Theater Workshop”en Saratoga (EEUU).

Introdúxose na escea internacional sobre as táboas do “Teatro Tapia” de Puerto Rico, Teatro
“Matacandelas” de Medellín, “Teatro Cádiz” de Bogotá, “Catedral de Sal” de Zipaquirá, The kichen de NY, e baixo a dirección de Anne Bogart, na producción de “Café Variations” da Siti Company, no teatro “New York Live Art” de NY.

Coa súa Compañía escénica actuou en moitos dos teatos e auditorios de Galicia. No 2014 formou parte do elenco do Centro Dramático Galego , como actriz principal, dirixida por José Caldas.

No campo audiovisual destaca a súa contratación como Actriz pola universidade “City College of New York” para o programa do máster de dirección cinematográfica, dirixido por Chantal Akermann, logo de participar en distintas curtametraxes dirixidas por director@s internacionais.

Actualmente inmersa no proxecto Chola&Lola, un dos seus proxectos máis persoais e en UrsúasFilm a súa primeira longametraxe.

Fundou a súa propia Compañía “ArtesaCía” a cabalo ente Galicia e NY, ó mesmo tempo que creaba xunto o cineasta e artista transmedia Roi Fernández, “Extramuros”, un espazo multidisciplinar, onde ensaya e investiga coa súa compañía escénica.

​

Considerase unha actriz e creadora escénica que sempre está na búsqueda de materiais que a movilicen e estimulen físicamente  

​

​

​